ملحم بركات: مي حريري غلطتي الكبيرة!



- 08-01-2012
وصف الموسيقار ملحم بركات حفل ليلة رأس السنة الذي أحياه في الأردن بأنه «فظيع! كان في عندي 1042 شخص بالصالة» هي اهم صالة في الاردن بفندق «رويال» كانت ليلة فظيعة وقد فاجأتني».
ولفت في حديث لمجلة «الشبكة» الى انه احيا الحفل خارج لبنان «لأنه في لبنان صاير فينا انو جماعة «روتانا» بيحجزو كل الصالات بالاوتيلات وما بيخلولك صالة، وبيحجزو على سنتين ثلاث، والاوتيلات شو بيهمن؟ بيهمن يأجرو. واذا بدك تشتغلي معهن، فعلى شروطهن هني، وبيحطولك تنين تلاتة معك، وانا بقدر اتحمل اشخاص كتار معي».وأكد ان معلوماته تقول ان «اهم الفنادق عندنا تم حجزها لسنتين او لثلاث او اربع سنوات».

وأين يغني ملحم بركات في لبنان، يرد بأنه «ما في مطرح بغني فيه» و«الله العظيم...عم بحكيكي جد، مش عم بمزح».

ولفت الى انه «اذا بدو يضل الوضع هيك الهيئة رح ضل غني برا»، مضيفا انه «ايه ايه هيدي هيي معلوماتي مثبتة 100% برافو عليهن شاطرين»

وعن عدم غنائه في حفلين في امسية واحدة، «لا لا ولا بعملها، ولا يمكن شو بضحك على العالم؟»

وان كان السبب اخلاصه للجمهور، «طبعا الناس حضروا ليستمعوا الي، فلا يجوز ان اقتطع من وقتي واقسمه بين جمهورين».

واضاف «انا اذا ما اجاني حفلة بليلة رأس السنة بعتزل الفن ساعتها، وبقعد بالبيت. اذا براس السنة بدي اقعد بالبيت يعني خلصت انتهيت»

ويقول ملحم بركات لجمهوره الذي سيحرم من حفلاته، «الله يساعدكم، مش بإيدي من زمان سمعت سمعت عبدالوهاب يصرح على الاذاعة: «حين تدخل التجارة الفن، قل على الفن السلام» خلص انتزع الفن، وشركات تبغى الربح من الفنان، وليس مهما عندها نوعية الصوت، يهمها شاب يضع «الجيل» على شعره وبنت مهضومة تتغنج...هذا ما يهمها».

ولم يرد الموسيقار الاجابة عن احد «لا احد يستحق التحدث عنه». وعن الفنانة مي حريري وتصريحاتها الاخيرة خلال برنامج sorry بس، قال «انا بحبش جيب سيرتها. سأليها هيي. ما بعرف»، في اشارة الى عبارة «اكل الولد التفاحة».

واضاف انه «بالنسبة الي لازم تستحي وتخجل وتحكي شي. المرا مفكرة حالها شي. يللا انا الحق علي. ماشي الحال هيدي كانت غلطتي الكبيرة».

facebook.com/AUCESouth/?ref=bookmarks


 


 

© 2011 nabatieh.org
موقع النبطية - لبنان
المواد التي يوفرها الموقع متاحة للإستخدام أمام  الجميع مع الأمل بأن تنسب إليه
-
برمجة: المهندس خضر زهرة