تعرفوا على شخصية حبيبكن حسب برجو!

شي مرا تطلعتوا بحبيبكن بعد ما عرفتوا برجو وصرتوا تقولوا بينكن وبين حالكن هلق عرفنا لي عم يتصرف هيك هيدا؟ إي صح هيدا تأثير الأبراج. الأبراج عالم تاني وبسلي، كل حدا عندو مواصفات شكل وكل حدا بيتصرف حسب برجو بطريقة شكل، لهيك رح نخبركن شخصية كل شب لبناني حبس برجو بطريقة مهضومة.


١. الحمل (21 آدار- 19 نيسان)

- آخر مرة عصب، كسر تلفونو

- الكولونيا لي بحطا واصلة لآخر الشارع

- بضل يقول: ما عم خانق أنا هيك صوتي عالي شو بكن

- بقول: إمشي نروح سكاي دايفينغ منغير جو


٢. الثور (20 نيسان- 20 أيار)

- عطول عندن حجج: سوري نسيت رد عليكي كنت نايم

- بحبوا أم كلثوم

- كتير بقولوا: إي حبيبي خدي وقتك حأنطر بالسيارة


٣. الجوزاء (21 أيار-21 حزيران)

- بحبوا يحكو مواضيع عميقة بالليل

- دغري تعودوا على الأزمة الإقتصادية

- عندن حساب بس للنكت والميمز

- عندن شعبية كبيرة يعني شي 000 14 متابع على تويتر

٤. السرطان (22 حزيران- 22 تموز)

- ملاقي أسامي لولادكن من قبل ما يجو

- كتير بحبب يجبلك ساندويش شاورما

- عندكن تيشيرتات "ملكي" و"ملكتي" بلتبسوها بس تكونوا سوا

- بيبعتوا جرايد على واساب (رسايل ما بتخلص)


٥. الأسد (23 تموز- 22 آب)

- عندن معجبين كتارعلى انستغارام

- بنزلوا الصور يلي طالعين فيها حلوين وآخر همن البنت لي معن

- بحبوا التصوير كتير وعاملينا شغلتن بوقت الفراغ

- ما بيستعملوا إلا شامبو خصوصي وبغنجو حالهن

٦. العذراء (23 آب- 22 أيلول)

-اشترالك آخر آيفون نازل بالسوق

-بتحسي الشب العذراء جغل الUSEK الأصلي

-ما فين يقطع نهار بدون ما يشربوا قهوة من عند ستاربكس

- بتروحوا على النادي سوا

٧. الميزان (23 أيلول- 23 تشرين الأول)

- روميو العرب

- مهووسن بشعراتن

- عندن مجموعة ستيكرز رومانسية على واتساب

- بتكونوا قاعدين وعم تخبروهن شي خبرية: "لحظة كيف يعني ماريا قالت هيك" وبيرجعوا بصير بدن يسمعوا كل الخبرية


٨. العقرب ( 24 تشرين الأول- 21 تشرين التاني)

- صرلكن 4 سنين سوا وبعدكن بتحسوا حالكن ما بتعرفوهن منيح

- عندكن تاتو متل بعض

- بحبوا يزوروا المحلات المهجورة ببيروت

- كل ما تروحوا على محل بيسأل "ليش الجو زبالة هيك"


٩. القوس (22 تشرين التاني- 21 كانون الأول)

- بحبوا الأكل كتير

- أحلى مواعيد حب عندن المغامرات والكامبينغ

- حافظين البلد شارع شارع

- أحلى مشروع عندن كزدورة بالسيارة مع أغاني أدونيس على العالي


١٠. الجدي (22 كانون الأول- 19 كانون التاني)

- ما بيشربوا القهوة إلا ما تكون مرة على الآخر

- أطيب أكلة عندن المجدرة

- كانو متوقعين الأزمة من زمان

- بكون طلب إيدك أصلا" "لأن بحب يفوت من الباب مش من الشباك"


١١َ. الدلو (20 كانون التاني- 18 شباط)

- أول ناس نزلوا على الثورة

- بيك ما بحب فكرة إنو حاطت حلق بدينتو

- بحبوا يسمعوا أغاني مشروع ليلى

- مبدأهن بالحياة: "الشي لي منو مشرع مش يعني ما بيسوى"


١٢. الحوت (19 شباط- 20 آدار)

- بس حدا يحكي سياسة دغري بقولوا "نحنا عايشين بدوامة"

- أغانيكن بيشبهوا بعض 95 مية على أنغامي

- بحبوا يحطوا تاريخ أول مرة حكيتوا فيها مع بعضكن بالbio

- كتير متاخدين بموضوع الطاقة والvibes